លិខិតថ្លែងអំណរគុណរបស់ឯកឧត្តម ឡាយ សំកុល អគ្គលេខាធិការព្រឹទ្ធសភា និងលោកជំទាវ ព្រមទាំងក្រុមគ្រួសារ សូមគោរពជូន ឯកឧត្តមអនុប្រធានទី១ព្រឹទ្ធសភា ឯកឧត្តមបណ្ឌិតអនុប្រធានទី២ព្រឹទ្ធសភា សម្តេច ព្រះអង្គម្ចាស់ ឯកឧត្តម លោកជំទាវ សមាជិក សមាជិកាព្រឹទ្ធសភា ដែលបានឆ្លៀតពេលវេលាដ៏មមាញឹក អញ្ជើញគោរពវិញ្ញាណក្ខន្ធ និងចូលរួមរំលែកទុក្ខដ៏ក្រៀមក្រំបំផុត ចំពោះមរណភាពឧបាសិកាពុទ្ធសាសនូបត្ថម្ភក៍ មាឃ ផល ត្រូវជាម្តាយបង្កើតរបស់ភរិយាឯកឧត្តម ឡាយ សំកុល ដែលបានទទួលអនិច្ចកម្មនៅថ្ងៃចន្ទ ៧កើត ខែអស្សុជ ឆ្នាំម្សាញ់ សប្តស័កព.ស.២៥៦៩ ត្រូវនឹងថ្ងៃទី២៩ ខែកញ្ញា ឆ្នាំ២០២៥ ក្នុងជន្មាយុ៧៩ឆ្នាំ ដោយជរាពាធ
